03/09/1636
source photo : les écritoires
contribution/transcription : Catherine Lainé [1] [2]
5E 11215 - Minutier de Saint-Pierre-Église - Vicomté de Valognes - Siège du Val de Saire - Écritoire de Carneville de juillet 1636 à mai 1639 (copie) (archives départementales de la Manche).
photos F. Heuzey
03/09/1636 à Carneville
5E11215 - p007 [clichés F. Heusey] \Faict audict sieur/. Vente et rente/. L’an mil six cens trente six, le troysiesme jour de septenbre, à Carneville, par devant Macé Guerard et Nicollas Raoul, tabellions royaulx, dix heures du matin. Furent presentz Jacques et Thommas de la Haye, pere et filz, 5E11215 - p008 [clichés F. Heusey] de la parroisse de Neville, et Perrette Fentosme, fille de feu Jean Fentosme, de Fermanville, femme dudict Thomas filz, par ledit son mary deubment authorisée quand à ce ; lesquels, volontairement par insolliditté et sans division ny discution fere, vendirent et subrogerent affin et cetera, pour eux et leurs hoirs, à noble et discrepte personne messire Jean Lenfant, sieur de la Haulle prebtre curé de Fermanville, à ce present, pour luy et ses heritiers, la somme de soixsante solz de rente don de mariage que lesdicts de la Haye et femme dudict Thomas avoient droit de prendre, recepvoir et avoir annuellement par execution sur les biens et heritages de Jean Fentosme, filz Jean, frere de ladicte femme, ainsy qu’il aparoist par le contrat dudict traicté de mariage de ce faict et recongneu par devant tabellions, lequel lesdicts vendeurs ont promis et ce sont obligez bailler audict sieur acquereur pour ennexer à ce present ; et au moyen de la presente vente et surrogation de ladicte rente qui fut faicte par le prix et somme de quarante deux livres, qui est pareil prix convenu pour le racquit de ladicte rente, payez, comptés et nombrés presentement aux mains desdicts de la Haye, et ladicte femme, espece de pistolles d’or, franz, quars d’escus et monnoye ayant cours en ce royaulme. Et demeure ledict sieur subrogé par lesdicts vendeurs au prorata de l’ariage [sic] encouru de ladicte rente dempuys le terme dernier escheu jusques à d’huy, pour s’en fere payer, comme lesdicts vendeurs auroient peu faire au moyen de pareille somme que ce montent lesdicts arriages que ledict sieur a presentement payé ausdicts vendeurs, et donc du toult lesdicts de la Haye et femme dudict Thommas ce sont tenus comptens et fidellement payez dudict sieur. Et par ce present, lesdicts de la Haye ont presentement consigné et assigné ladicte Perrette Fentosme de pareille somme de rente, à prendre, avoir et executer le cas offrant sur tous et chacuns leurs biens et heritages et de leurs hoirs, presentz et advenir ; à laquelle consignation ladicte femme c’est contentée et arrestée, congnoisant les biens et heritages desdicts de la Haye estre suffisans pour ladicte consignation, sans que l’acquereur en soit tenu bailler declaration pour la discution d’iceux. Promettant lesdicts de la Haye et femme la presente vente garantir vers et contre touttes personnes, sur l’obligation 5E11215 - p009 [clichés F. Heusey de tous leurs biens et heritages, presentz et advenir. Tesmoins : Jean Laronche, filz Denis, dudict Fermanville, et Estienne Gyot, escuier, de Carneville, qui ont signé et marqué à la notte de ce present avecques lesdicts tabellions et parties. [Signatures :] M. Guerard. N. Raoul, [notaire]. |